Туристичка агенција Iguana Tours

Станете херој на плажата и помогнете му на своето дете да направи најдобар замок од песок. Еве неколку трикови на светскиот шампион во таа „категорија“ - Мајк Мејсон.

Прво набавете го неопходниот алат: две кофи (на едната ќе мора да и го отстраните дното), една лопатка, една кафена лажица и еден калап (за торта или нешто слично) во облик на квадрат.

Вториот чекор е да се најде вистинско место за замокот.

„Влажноста која е потребна за замокот да остане цврст можете лесно да ја проверите. Доволно е да направите грутка од песок која нема да се распадне ако ја фрлите во воздух и повторно ја фатите“ вели Мејсон за магазинот Men’s Health.

Сместете се малку подалеку од водата и почнете.

Направете вулкан
Обликувајте го влажниот песок така што ќе направите планина висока околу 60 сантиметри, со основа од околу 90 cm2. Издлабете дупка на врвот и турете вода, за песокот да го направите покомпактен. Потоа израмнете го вулканот со помош на лопатката, за да добиете платформа со пречник околу 35 cm.

Изградете кула
Поставете ја кофата без дно покрај планината. Наполнете ја до 7-8cm со песок, додадете малку вода и притиснете со рацете. Кога ќе се стврдне масата отстранете ја кофата. На тој начин направете четири кули од страните и една на платформата.

Можете на страните да додадете песок кој ќе го моделирате со рацете, ако сакате коси зидови.

Додајте украси
За да постигнете автентичен изглед направете коцки со помош на калапот за торта и поставете ги на врвот на секоја од кулите. Потоа послужете се со лажичката да пробиете прозорци на ѕидовите. Комплетирајте го ремек делото така што ќе направите капија со помош на стапчиња од сладолед. На крaјот украсете го замокот со школки, камчиња и морска трева. 

Запомнете: доколку не сте задоволни од резултатот секогаш можете да почнете со ремоделирање.