„Игуана“ е една од првите приватни туристички агенции во Македонија, формирана 1991 година во декември. Сопственикот, г. Мирослав Чонев, го темели своето професионално искуство работејќи во две реномирани компании „Генералтурист“ – Загреб и „Компас“ – Љубљана. Љубовта кон туризмот ја пренесува на своите синови, кои ги следат неговите чекори и се вклучуваат во тимот во јуни 1998 година.

 

Низ годините, нас Игуанци нѐ води идејата и мотото „Секој наш клиент е и наш пријател“. Оттаму пристапот кон вас е пријателски и опуштен, но односот секогаш е стручен, чесен, посветен!

 

Зад нас се десетици илјади задоволни корисници, стотици илјади изминати километри, многу дестинации, но пред сѐ и над сѐ, многу емоции, сеќавања, спомени…

„Игуана“ е членка и една од агенциите основачи на Стопанска комора за туризам на Македонија (СКТМ).